Búgin dzıýdodan álem birinshiligi bastalady
ASTANA. QazAqparat - Búgin, 28 tamyz kúni Býdapeshtte dzıýdodan álem chempıonaty bastalady, dep habarlaıdy QazAqparat tilshisi.
Álemniń 126 elinen 731 dzıýdoshy qatysatyn dodada qazaqstandyq tatamı sheberleri de bar. Jalpy el namysyn qorǵaýǵa 18 sportshymyz attanǵan bolatyn.
Búgin álem chempıonatynyń birinshi jarys kúninde erlerden 60 kg, áıelderden 48 kg salmaq dárejesindegi tatamı sheberleri baqtaryn synaıdy. Atalǵan eki salmaqta Qazaqstan ulttyq quramasynan 3 dzıýdoshy shyǵady. Olar: Eldos Smetov (60 kg), Ǵusman Qyrǵyzbaev (60 kg) jáne Otgontsetseg Galbadrah (48 kg).
Jerebe boıynsha Eldos Smetovtyń alǵashqy qarsylasy - Neýso Sıgaýkıe (Mozambık), Ǵusman Qyrǵyzbaev frantsııalyq Rıvol Kedrıkpen kezdesedi. Al, Otgontsetseg Galbadrah álem chempıonatyn ekinshi aınalymnan bastaıdy. Qarsylasy - Italııa sportshysy Mılanı Frantsıska.
Esterińizge sala keteıik, álem chempıonatyn 3 qyrkúıekke deıin jalǵasady.
Qazaqstan ulttyq qurama komandasy.
Erler:
1. Eldos Smetov (60 kg)
2. Ǵusman Qyrǵyzbaev (60 kg)
3. Azamat Muqanov (66 kg)
4. Eldos Jumahanov (66 kg)
5. Jansaı Smaǵulov (73 kg)
6. Azız Qalqamanuly (81 kg)
7. Islam Bozbaev (90 kg)
8. Maksım Rakov (-100 kg)
9. Erjan Shynkeev (+100 kg)
Áıelder:
1. Otgontsetseg Galbadrah (48 kg)
2. Sevara Nyshanbaeva (57 kg)
3. Anna Kazıýlına (57 kg)
4. Marıan Ýrdabaeva (63 kg)
5. Dilbar Ómirálıeva (63 kg)
6. Zere Bektasqyzy (70 kg)
7. Albına Amangeldıeva (-78 kg)
8. Zarına Raıfova (-78 kg)
9. Gúljan Isanova (+78 kg)
