Búgin - Dúnıejúzilik jyl qustary kúni
ASTANA. 9 mamyr. QazAqparat - Jyl saıyn 9-10 mamyrda álemde Dúnıejúzilik jyl qustary kúni atap ótiledi.
Qustar tirshiligi - búkil ósimdikter men janýarlardyń bıologııalyq ár alýandylyǵynyń jaǵdaılary men úrdisteri týraly pikir túıýge múmkindik beretin úlgili kórsetkish. Qorshaǵan ortanyń ózgeristerin saralaý jumystaryn júrgizgende qustardy baqylaý erekshe mańyzdy, óıtkeni olardy is júzinde planetamyzdyń barlyq ekologııalyq júıesinen kezdestire alamyz.
Ózderiniń jyldyq óristeri barysynda qonys aýdarýshy qustar kóptegen elder men qurlyqtardy asyp ótedi, keıbireýleri týndradan tropıkke ushyp ótedi. Sóıtip, túrli ekologııalyq júıeler arasynda baılanystyrýshy býyn mindetin atqarady. Jyl qustaryn jáne olardyń tirshilik etý oryndaryn saqtaý arqyly biz bıoalýandyqty keńirek kólemde saqtap qala alamyz.
Búkilálemdik jyl qustary kúni alǵashqy ret tórt jyl buryn SAEVP jáne KMJ hatshylarynyń bastaýymen atap ótildi, olardyń esepteýi boıynsha joǵary aqparat beretin jahandyq kampanııany bastaý kerek, jáne de jyl qustaryn qorǵap, saqtaýǵa mindetti adamdardyń is-qımylyn jigerlendirý qajet.
