Búgin Dúnıejúzilik jumyrtqa kúni
ASTANA. 12 qazan. QazAqparat - Álemniń kóptegen elderinde qazannyń ekinshi jumasynda Dúnıejúzilik jumyrtqa kúni atap ótiledi.
Jumyrtqa tamaqtanýdyń eń ámbebap azyq-túligi, olar barlyq elderdiń aspazdyq salasynda tanymal. Sebebi olardy taǵamǵa ártúrli paıdalanýǵa bolady.
Merekeniń shyǵý tarıhy mynadaı: 1996 jyly Venada ótken konferentsııada Halyqaralyq jumyrtqa komıssııasy dúnıejúzilik jumyrtqa merekesi qazannyń ekinshi jumasy atap ótiletindigin jarııa etti. Komıssııa Jumyrtqa kúnin toılaýǵa kóptegen sebepterdiń bar ekendigin dáleldep baqty. Budan keıin kóptegen elder, ásirese jumyrtqa ónimderin shyǵarýshylar jumyrtqa merekesin atap ótý ıdeıasyn qýana qoldady.
Sońǵy ondaǵan jyldar boıy jumyrtqalar týraly jaǵymsyz aqparattar aıtyldy, biraq sońǵy taıaý ýaqyttaǵy ǵylymı zertteýler jumyrtqany paıdalanýdan qorqýdyń qajeti joqtyǵyn dáleldedi. Olarda aǵzaǵa qajetti kóptegen paıdaly zattar, sonyń ishinde
dárýmender men mıneraldar, sondaı-aq keıbir aýrýlarǵa qarsy kómektesetin antıoksıdanttar bar. Jáne jumyrtqa holesterındi arttyrady degen jalpy pikir - qate. Sondyqtan kúnine bir jumyrtqadan jep turý óte paıdaly.
Keıbir málimetterge sáıkes, jumyrtqany eń kóp paıdalanatyn el - Japonııa bolyp tabylady eken. Bul eldiń árbir turǵyny ortasha alǵanda kúnine bir jumyrtqadan jeıdi. Japonııada tipti «Tamago, tamago!» dep atalatyn balalar áni bar. Al amerıkandyqtar bul baǵaly azyq-túlikke qurmetin jyl saıyn «Alyp omlet kúnin» ótkizýmen bildiredi.
