Búgin - dúnıejúzilik JQTB-men kúres kúni
ALMATY. 1 jeltoqsan. QazAqparat /Sara Mustafına/ - Búgin dúnıejúzilik JQTB-men kúres kúni. Ol jyl saıyn atap ótilip, AQTB/JQTB epıdemııasynyń jahandyq taralýyn toqtatý qajettiligi týraly eskertý bolyp tabylady.
Alǵash ret 1988 jyly Búkilálemdik densaýlyq saqtaý uıymy jarııalaǵan, 1996 jyldan bastap BUU-nyń AQTB/JQTB (ıÝNEIDS) Birikken baǵdarlamasymen ótkiziledi.
ıÝNEIDS baǵalary boıynsha, 15 pen 49 jas aralyǵyndaǵy 35,7 mln. adam AQTQ indetin juqtyryp alǵan, olardyń 26 myńy - eńbekke qabiletti jastaǵy adamdar. Іndetti juqtyryp alý men JQTB-den qaıtys bolýdyń jańa jaǵdaılarynyń shamamen úshten biri Saharanyń ońtústiginde jatqan segiz afrıkalyq elde bolyp jatady.
Qazaqstanda JQTQ-nyń aldyn alý jáne onymen kúres boıynsha Respýblıkalyq ortalyqtyń málimetteri boıynsha aǵymdaǵy jyldyń 1 qarashasynda 17 457 AQTQ indetin juqtyryp alýshylar tirkelgen, olardyń arasynda 14 jasqa deıingi balalar sany - 365, 1446 JQTB inletimen aýyratyndar bar, sonyń ishinde - 75 bala. 3 276 AQTQ indetin juqtyryp alǵandar kóz jumdy, olardyń 1108-i - JQTB satysynda (33,8%) bolǵan, olardyń arasynda - 7 bala bar. AQTQ indetiniń turǵyndar arasynda taralýy - 0,105%. 15-49 jas aralyǵyndaǵy topta 16 528 (94,7%) tirkeldi, taralýy - 0,182% (2010 jyldyń aıaǵyna qaraı - 0,17%). Sonyń ishinde er adamdar - 70,3%, áıelder - 29,7%.
AQTQ indeti Qazaqstannyń 16 ákimshilik aýmaǵynda tirkelgen. Birinshi orynda - Almaty (3493 adam - anyqtalǵandardyń jalpy sanynyń 20%-y), ekinshi orynda - Pavlodar, al úshingi orynda - Qaraǵandy oblystary tur. AQTQ indeti rastalǵan adamdar arasynda 20-29 jas aralyǵyndaǵy adamdar basym - 43,7%.
