Búgin - Dúnıejúzilik jastar kúni
ASTANA. 10 qarasha. QazAqparat - 10 qarasha kúni Demokratııalyq jastardyń dúnıejúzilik federatsııasynyń (DJDF) negiziniń qalanýy qurmetine bekitilgen - Dúnıejúzilik jastar kúni atap ótiledi.
Oqıǵa 1945 jyldyń 29 qazany men 10 qarashasy aralyǵynda Londonda ótken Dúnıejúzilik jastar konferentsııasy barysynda boldy.
Bul tarıhı konferentsııa fashızmge qarsy kúresý úshin Ekinshi dúnıejúzilik soǵys kezinde qurylǵan Dúnıejúzilik jastar keńesiniń bastamasymen shaqyryldy. Alǵash ret konferentsııaǵa saıası ıdeologııalary men dinderi ártúrli, 63-ten astam ult jastarynyń basyn biriktiretin - halyqaralyq jastar qozǵalystarynyń ókilderi jınaldy.
Sol ýaqyttan bastap jastar uıymdarynyń halyqaralyq birlestigi - bul saıası jáne dinı nanymdaryna, násili men ulttyna qaramastan bútin álemdegi jastardy biriktiretin halyqaralyq demokratııalyq jastar qozǵalysy ortalyǵy.
DJDF ótkizetin tanymali is-sharalardyń biri jastar men stýdentterdiń festıvali. Jastar men stýdentterdiń alǵashqy dúnıejúzilik festıvali 1947 jyly Pragada ótti jáne oǵan 17 myń adam qatysty.
