Búgin Dúnıejúzilik janýarlardy qorǵaý kúni
ASTANA. 4 qazan. QazAqparat - Dúnıejúzilik janýarlardy qorǵaý kúni nemese Dúnıejúzilik janýarlar kúni - Jer betindegi jan-janýarlardy qorǵaý maqsatynda bekitilgen ataýly kún.
Bul kúndi atap ótý týraly sheshim 1931 jyly Italııanyń Florentsııa qalasynda ótken tabıǵat qorǵaýshylardyń halyqaralyq basqosýynda qabyldandy. Jyl saıyn 4 qazan kúni atap ótiledi.
Janýarlardy qorǵaý kúni retinde 4 qazannyń tańdalý sebebi, dál osy kúni katolıkter áýlıe ári janýarlardyń qamqorshysy Frantsıska de Assızıdi eske alady.
Janýarlardy qorǵaý kúni Argentınada 29 sáýir kúni atalyp ótedi. Óıtkeni 1926 jyly 29 sáýirde argentınalyq janýarlardy qorǵaýshy uıymnyń negizin qalaýshylardyń biri Lýkas Ignasıo Albarrasın dúnıeden ótti.
