Búgin - Dúnıejúzilik temekisiz kún
ASTANA. 31 mamyr. QazAqparat - Búgin - Dúnıejúzilik temekisiz kún. Data 1988 jyly 31 mamyr kúni Dúnıejúzilik densaýlyq saqtaý uıymynyń bastamasymen jarııalandy.
Álemdik qaýymdastyq aldyna XXI ǵasyrda temeki tartý problemasyn joıý mindeti qoıylǵan bolatyn. XXI ǵasyrǵa aıaq basqanymyzben, túıitkil joıylmady. Nıkotınmen kúres áli de jalǵasýda. Dúnıejúzilik densaýlyq saqtaý uıymynyń málimetinshe, shylym shegýdiń saldarynan jyl saıyn 300 myńǵa jýyq adam ómirden erte ozady. Kórsetkish jol-kólik apatynan, JITS-ten nemese esirtkiden kóz jumǵandardyń sanynan kóp.
Temekiden bas tartý ońaı emes. Nıkotın táýeldilikti týdyrady, jáne bárimiz de temekini tastaýǵa tyrysyp, biraq birneshe aıdan keıin-aq shylymdy qaıta qoldaryna alǵan adamdardy bilemiz. Damýshy iri memleketterdiń birinde júrgizilgen saýalnama kórsetkendeı, temekini tartantyndardyń úshten ekisi onyń zııandyǵy shamaly nemese tipti joq ekenine senimdi. Olardyń arasynda bul daǵdydan arylǵysy keletinderdiń sany az, al shylymdy tartýdan bas tartqandar odan da tómen bolyp otyr.
