Búgin Dúnıejúzilik standarttar kúni
ASTANA. QazAqparat - 14 qazan kúni Astanada Dúnıejúzilik standarttar kúnine oraı «Standarttar tabysqa qol jetkizetin teń múmkindikter beredi» atty taqyryppen dóńgelek ústel ótedi, dep habarlaıdy Qazaqstan standarttaý jáne sertıfıkattaý ınstıtýtynyń baspasóz qyzmeti.
Standarttar kúniniń taqyrybynyń ózektiligi - standarttardyń teń múmindikter jasaıtyny jáne tek ónim óndirýshilerge ǵana emes, tutynýshylardyń da kóńilin aýdarý úshin arnalyp jasalatyndyǵynda.
Dóńgelek ústelge qatysýshylar - QR memlekettik organdarynyń, Qazaqstan ulttyq kásipkerler palatasynyń, QR Qaýymdastyqtarynyń, «Qazaqstan metrologııa ınstıtýty» RMK-nyń, «Ulttyq akkredıtetteý ortalyǵy» JShS-iniń, «Ulttyq saraptaý jáne sertıfıkattaý ortalyǵy» AQ-nyń, standarttaý boıynsha tehnıkalyq komıtetteriniń, joǵary oqý oryndarynyń, ónim óndirýshileri men tutynýshylarynyń ókilderi.
Jıyn barysynda «2014-jyldyń Úzdik Jas standarttaýshysy» konkýrsynyń nátıjesi anyqtalyp, jeńimpazdaryn marapattaý saltanaty ótkiziledi.
