Búgin - Dúnıejúzilik shokolad kúni
ASTANA. 11 shilde. QazAqparat - Shokolad kúnin alǵash ret frantsýzdar 1995 jyly oılap tapty. Shokoladty tuńǵysh ret atstekter jasap úırendi degen baılamdar bar.
Olar ony «qudaılar taǵamy» dep ataǵan. Shokoladty Eýropaǵa birinshi bolyp jetkizgen ıspandyq konkıstadorlar ony «qara altyn» dep atady jáne kúsh-qýatty arttyrý úshin paıdalandy. Keıinnen Eýropada shokoladty paıdalaný tek arıstokrattyq ortada shekteldi. 20-shy ǵasyrdyń basynda ǵana shokolad óndirisiniń paıda bolýymen onyń dámin aqsúıekterge jatpaıtyn adamdar da tatyp kóre aldy.
Ǵylymmen dáleldengendeı, shokoladta tynyǵýǵa jáne psıhologııalyq qaıta qalpyna kelýge septigin tıgizetin elementter bar. Shokoladtyń qara tústi suryptary kóńil-kúıdi jaqsartatyn jáne aǵzanyń tonýsyn qalpynda ustap turatyn baqyt garmondary - endorfınderdiń paıda bolýyna áser etedi. Sondaı-aq shokolad qaterli isikke qarsy tura alady jáne qartaıý protsesin baıaýlatady degen boljam bar.
