Búgin Dúnıejúzilik poshta kúni
ASTANA. 9 qazan. QazAqparat - Dúnıejúzilik poshta kúni - Birikken Ulttar Uıymy júıesinde atap ótiletin halyqaralyq kúnderdiń biri.
Dúnıejúzilik poshta odaǵy 14-inshi kongresiniń sheshimimen odaqtyń 1874 jyly qurylǵan kúni qurmetine atap ótiledi. Al Dúnıejúzilik poshta kúni retinde Poshtashylardyń dúnıejúzilik odaǵynyń 1969 jyly Tokıoda ótken kongresinde jarııa etildi.
1874 jyly 9 qazanda Shveıtsarııanyń Berne qalasynda 22 eldiń ókilderi Bas poshta odaǵynyń negizin bekitetin Bern kelisimine qol qoıdy. 1878 jyly odaq óz ataýyn ózgertip, Dúnıejúzilik poshta odaǵy (DPO) dep atala bastady. Búgingi kúni DPO-ǵa 189 memleket múshe. Búkil álemde 9 qazannan bastap halyqaralyq hat aptalyǵy ótkiziledi.
DPO-nyń málimetterine sáıkes, halyqaralyq poshta óz klıentteriniń 6800 tilinde sóıleıdi jáne poshtany jetkizip salýdyń álemdegi eń uzyn jelisi bolyp tabylady. Ol taýarlardy senimdi, tıimdi ári artyq shyǵynsyz jetkizip salýdy, sondaı-aq ıdeıalar almasýdy qamtamasyz etý úshin arnalǵan. DPO ártúrli aýqymdaǵy fırmalarǵa klıentterdi izdep tabýǵa jáne olardyń suranystaryna jaýap berýge kómektesedi.
