Búgin - Dúnıejúzilik ónertapqysh-balalar kúni
ASTANA. 17 qańtar. QazAqparat - Búgin búkil álem boıynsha Balalar ónertabysy kúni nemese basqa aýdarmada
Ónertapqysh-balalar kúni (Kid Inventors' Day) atap ótilýde. Bul data Amerıkanyń memleket qaıratkeri, dıplomat, ǵalym, ónertapqysh jáne jýrnalıst Bendjamın Franklınniń týǵan kúninen alyndy. Ben Fraklın 12 jasynda alǵashqy bolyp - shomylý barysynda eki qolǵa kıiletin eskekaqytardy oılap tapty.
Keıinnen B.Franklın kóptegen synaqtar jasap, ǵylymı zertteýlerin jalǵastyrdy jáne álemdik ǵylymǵa súbeli úles qosty. Ǵalymnyń keıbir tujyrymdary dáýirden birneshe jyl alǵa ozyq boldy. Onyń kóptegen óner tabystarynyń arasynda terbelmeli-kreslo, bıfokaldy kózildirik jáne basqalary bar.
Ónertapqysh balalarǵa keletin bolsaq, Franklınniń 13 jastaǵy otandasy Bennı Benson 1926 jyly Alıaskanyń Memlekettik týynyń nobaıyna jarııalanǵan baıqaýǵa óziniń jobasyn jiberdi. Kók aspandy bildiretin kók tús jáne shtattyń resmı gúli - botakóz, Jeti qaraqshy men Polıar juldyzynyń sýretteri ul balany jeńiske alyp keldi.
Al batýt qalaı paıda boldy? 1930 jyly áýe gımnasttarynyń jarystaryn tamashalap otyrǵan Djordj Nıssen, sportshylar óner kórsetkennen keıin saqtandyrý toryna sekirip túsetinine nazar aýdardy. Akrobattardyń óner kórsetýleri osymen aıaqtalatyn, biraq 16 jastaǵy bozbala oılana kele, «serippeli qurylǵyny» jasap shyǵarmaq boldy. Ol adamdy serippemen joǵary laqtyryp, gımnast aýady ártúrli trıýktardy jasaı aldy.
