Búgin - Dúnıejúzilik naýqas kúni
ASTANA. 11 aqpan. QazAqparat - 11 aqpan halyqaralyq kúntizbede Dúnıejúzilik naýqas kúni retinde belgilengen.
Dúnıejúzilik naýqas kúni 1992 jyldyń 13 mamyrynda Papa Ioann Pavel ІІ-niń bastamasymen paıda boldy. Arnaıy osy oqıǵaǵa oraı jazǵan óziniń joldaýynda pontıfık, Dúnıejúzilik naýqas kúnin jyl saıyn atap ótý belgili maqsatqa ıe ekendigin atap ótti.
Bul maqsatty Rım Papasy bylaı dep bilgiledi: kóptegen medıtsınalyq katolıktik mekemelerdiń qyzmetkerlerine, dindarlarǵa, bútin azamattyq qoǵamǵa naýqas jáne dármensiz adamdarǵa jaqsy kútimdi qamtamasyz etý qajettigin sezindirý, olardyń azabyn jeńildetý».
1991 jyly Ioann Pavel ІІ-ge Parkınson aýrýynyń dıagnozy qoıyldy, biraq, syrqat áldeqaıda keıin anyqtaldy. Rım Papasy Dúnıejúzilik naýqas kúnin óziniń dıagnozy anyqtalǵannan keıin bir jyl ótken soń belgilegeni de sondyqtan. 2005 jyly atap ótilgen Dúnıejúzilik naýqas kúni erekshe mańyzǵa ıe, sebebi osy jyly Ioann Pavel ІІ dúnıeden ozdy.
