Búgin Dúnıejúzilik muǵalimder kúni
ASTANA. 5 qazan. QazAqparat - Jyl saıyn 5 qazan kúni 100-den astam memlekette 1994 jyldan beri qalyptasqan Dúnıejúzilik muǵalimder kúni atap ótiledi.
Bul barlyq muǵalimderdiń, oqytýshylar men jalpy bilim berý salasy qyzmetkerleriniń kásibı merekesi.
Muǵalimder kúniniń taǵaıyndalýyna 1966 jyldyń 5 qazanynda Parıjde ótken muǵalimderdiń mártebesi týraly Arnaıy úkimetaralyq konferentsııa tarıhı negiz saldy. Nátıjesinde ıÝNESKO men Halyqaralyq eńbek uıymynyń ókilderi «Muǵalimderdiń mártebesine qatysty usynystar» qujatyna qol qoıdy.
1994 jyldyń 5 qazany kúni Dúnıejúzilik muǵalimder kúni alǵash ret atap ótildi. Sodan beri merekelik is-sharalar ózgerissiz osy kúni toılanady. Degenmen, jekelegen elder merekeni 5 qazanǵa jaqyn kúnderi atap ótedi.
Mysalǵa, Reseı 1994 jyldan beri Muǵalimder kúnin dúnıejúzilik kúntizbe boıynsha 5 qazan kúni atap ótedi. Buryn kásibı mereke qazannyń alǵashqy jeksenbisine dóp keletin.
Al Qazaqstan, Ázerbaıjan, Belarýs, Qyrǵyzstan, Latvııa jáne Ýkraına Muǵalimder kúnin qazannyń alǵashqy jeksenbisinde toılaıdy.
Keıbir statıstıkalyq málimetter boıynsha, 2015 jylǵa qaraı jalpy alǵanda bastaýysh mektepterge 35 mıllıonǵa jýyq muǵalimi qajet bolady. Qazir bastaýysh bilim berý salasynda júrgen ustazdardyń sany osy shamany quraıdy.
