Búgin - Dúnıejúzilik qalqansha bezi kúni
ASTANA. 25 mamyr. QazAqparat - Data kúntizbege Eýropalyq tıroıdtyq (European Thyroid Association - qalqansha bezimen jáne onyń aýrýlarymen baılanysty máselelerdi zertteýmen aınalysatyn uıym) qaýymdastyq 25 mamyrdy Dúnıejúzilik qalqansha bezi kúni retinde atap ótýdi usynǵan 2009 jyldan bastap endi.
Bul bastamany Azııada, Soltústik jáne Latyn Amerıkasynda jumys isteıtin osy baǵyttaǵy ózge dárigerlik qaýymdastyqtar qoldady.
Medıtsınalyq statıstıkaǵa sáıkes, qalqansha beziniń jumysyndaǵy ártúrli aqaýlarǵa ǵalamshar turǵyndarynyń úshten bir bóligine jýyǵy shaldyqqan. Bezde túıinderdiń paıda bolýy eresek adamdardyń 30 paıyzynda, zob (ıodtyń jetispeýshiliginen bezdiń ulǵaıýy) 10-30 paıyzynda anyqtalady.
Bul mańyzdy aǵzanyń (qalqansha bez zat aınalymyn jáne kletkalardyń ósimin retteıtin gormondardy shyǵarady) syrqatynan búgingi kúni saýyǵyp ketýge bolady. Al ıod tapshylyǵymen baılanysty syrqattarǵa qatysty aıtatyn bolsaq, as tuzyn jalpylama ıodtaý baǵdarlamasy arqyly onyń aldyn alýǵa bolady. Bul baǵdarlama búginde kóptegen memleketterde júzege asyrylýda.
