Búgin - Dúnıejúzilik ǵylym kúni
ASTANA. 10 qarasha. QazAqparat -Dúnıejúzilik ǵylym kúni nemese resmı túrde - Beıbitshilik pen damý úshin dúnıejúzilik ǵylym kúni qoǵamǵa ǵylymnyń paıdasyn túsindirýdi arttyrý maqsatynda jyl saıyn 10 qarasha kúni atap ótiledi.
Bul data demalys kúni retinde jarııalanbaǵanymen, árbir memlekette Dúnıejúzilik ǵylym kúnine oraılastyrylǵan is-sharalar ótedi.
Dúnıejúzilik ǵylym kúnin ótkizý 1999 jyly Býdapeshtte ótken Dúnıejúzilik ǵylymı konferentsııada usynyldy. Onda ǵylym men qoǵamnyń arasyna anaǵurlym tyǵyz qarym-qatynastar ornatý qajettigi aıtyldy.
ıÝNESKO 1999 jylǵy konferentsııanyń kún tártibin negizge ala otyryp, 2001 jyly ótken jalpy konferentsııada Dúnıejúzilik ǵylym kúnin resmı túrde bekitti.
ıÝNESKO Dúnıejúzilik ǵylym kúniniń maǵynasy týraly bilýdi taratý boıynsha jyl saıyn úkimettik uıymdarmen, ǵylymı jáne oqý ujymdarymen, halyqpen úlken jumystar júrgizedi.
Jekelegen elderdiń úkimetteri Dúnıejúzilik ǵylym kúnine ǵylym men ǵylymı bastamalardy qoldaýǵa baǵyttalǵan baǵdarlamalardyń qabyldanýyn, sondaı-aq ǵylymı uıymdarmen, mekteptermen jáne ýnıversıtettermen birlesip jańa ǵylymı-tehnıkalyq jobalardyń júzege asyrylýyn oraılastyrady.
