Búgin - Dúnıejúzilik gemofılııa kúni
ASTANA. 17 sáýir. QazAqparat - Jyl saıyn 17 sáýir kúni kóptegen memleketter Dúnıejúzilik gemofılııa federatsııasynyń aktsııasyna qosylyp, Dúnıejúzilik gemofılııa kúnin atap ótedi.
Keıbir derekter boıynsha, búginde álemde tuqym qýalaıtyn jáne jazylmaıtyn bul syrqatqa (aq qan aýrýy) shaldyqqan adamdardyń sany 400 myńdy quraıdy.
Taıaý ýaqytqa deıin aq qan aýrýyna ushyraǵan balalardyń arasynda kámelettik jasqa jetkender az boldy. Qazirgi ýaqytta naýqastardyń ómir sapasyn anaǵurlym arttyrýǵa jáne ómir súrýin uzartýǵa múmkindik beretin emdeýdiń ınnovatsııalyq ádisteri paıda boldy. Onymen qosa, gemofılııany emdeýdiń jańa quraldary - bul adamnan alynǵan aqýyzdy quramaıtyn joǵary tazartylǵan preparattar, bul olardy áleýetti vırýstyq ınfektsııa turǵysynan qaýipsiz etedi.
Dári-dármekter jetkilikti bolǵan jaǵdaıda aq qan aýrýyna shaldyqqan naýqas tolyqqandy ómir súre alady: bilim alady, jumys isteıdi, otbasyn qurady.
Biraq gemofılııaǵa qarsy preparattarmen tolyqqandy qamtamasyz etpeýdiń saldarynan balalar men jastar erte jasynan múgedektikke áli de shaldyǵyp keledi.
