Búgin - Dúnıejúzilik eriktiler (volonterlar) kúni
ASTANA. 5 jeltoqsan. QazAqparat - Búgin Ekonomıkalyq jáne áleýmettik damý úshin eriktilerdiń halyqaralyq kúni nemese Dúnıejúzilik eriktiler (volonterlar) kúni.
BUU Bas Assambleıasynyń 1985 jyly jasaǵan usynysymen jyl saıyn 5 jeltoqsan kúni atap ótiledi.
Eriktiler nemese aǵylshyn tilinen alynǵan jáne sońǵy ýaqytta jıi qoldynylatyn sóz - volonterlar - ózderiniń bos ýaqyttaryn qoǵamnyń ıgiligi úshin jumsaıtyn adamdar. Eriktilerdiń aqysyz jumysyn kez kelgen salada jáne baǵytta kórýge bolady.
Mysalǵa, mundaı adamdar qoǵamdyq oryndardy tazalaýǵa, áleýmettik aktsııalar barysynda plakattar men kitapshalardy taratýǵa óz erikterimen qatysady, týǵan qalalary boıynsha tegin ekskýrsııalar júrgizýge daıyn, úlken sporttyq jarystarda aýdarmashylar bolýǵa ázir. Onymen qosa, volonterlar balalar úıleriniń, qarttar úıleriniń qyzmetkerlerine qolǵabys etedi, tabıǵı apattar kezinde kómek kórsetýge árdaıym daıyn.
