Búgin - Dúnıejúzilik elektr baılanysy jáne aqparattyq qoǵam kúni

Dúnıejúzilik elektr baılanysy jáne aqparattyq qoǵam maqsaty - qoǵamdar men elderdiń ınternet pen aqparattyq-kommýnıkatsııalyq tehnologııalardy (AKT) paıdalanýy, sondaı-aq «sandyq alshaqtyqtan» arylýdyń joldary týraly múmkindikteri jaıyndaǵy habardarlyq deńgeıin kóterýge jaǵdaı jasaýynda.

Dúnıejúzilik elektr baılanysy jáne aqparattyq qoǵam kúni buryn atalyp ótip kelgen Halyqaralyq telekommýnıkatsııalar kúnin jáne «Dúnıejúzilik aqparattyq qoǵam kúnin» almastyrdy. 2006 jylǵy qarashada Halyqaralyq elektr baılanysy odaǵynyń (HEO) Antalııadaǵy (Túrkııa) Ýákiletti konferentsııasynda atalmysh eki sharany da 17 mamyr kúni - Dúnıejúzilik elektr baılanysy jáne aqparattyq qoǵam kúni retinde atap ótý sheshimi qabyldandy.

Bul kún - barlyq baǵdarlamashylardyń, júıelik ákimshilerdiń, ınternet-provaıderlerdiń, veb-dızaınerlerdiń, ınternet-basylymdar redaktorlarynyń basqa da aqparattyq tehnologııalar salasynda jumys isteıtin adamdardyń kásibı meıramy.

Informatıka órkenıettiń beınesin túbirimen ózgertti. Ol álemdik ekonomıkada, óndiriletin ónimniń sany men sapasyn kúrt kóterdi. Degenmen, ınformatıkanyń mańyzy áldeqaıda keńirek. Bul adamzatqa buryn bolyp kórmegen múmkindikter jasap otyr: bilim - basty baılyqqa aınaldy, óz betinshe bilim alýdyń keremet múmkindikteri ashyldy.

Sondaı-aq búgin - Halyqaralyq elektr baılanysy kúni (Halyqaralyq telekommýnıkatsııa kúni). 1865 jyly negizi qalanǵan Halyqaralyq elektr baılanysy odaǵynyń ákimshilik keńesi sessııasynyń sheshimimen 1969 jyldan bastap atap ótiledi.