Búgin - Dúnıejúzilik donor kúni
ASTANA. 14 maýsym. QazAqparat - 2005 jyldyń mamyrynda Búkilálemdik densaýlyq saqtaý assambleıasynyń barysynda birqatar memlekettiń densaýlyq saqtaý mınıstrleri erikti qan tapsyrýdy qoldaý týraly ótinishti biraýyzdan maquldady.
Olar qararda 14 maýsymdy Dúnıejúzilik qan donorynyń kúni retinde atap ótýdi bekitti.
Atalmysh sharaǵa BUU-ǵa qatysýshy 193 memleket, Qyzyl jarty aı men Qyzyl krest uıymdarynyń 181 ulttyq qoǵamy, erikti qan tapsyrýshylardyń 50 uıymy jáne álemniń túkpir-túkpirinen qan quıýǵa mashyqtanǵan kóptegen mamandar qatysady.
Álemde ár sekýndta kez kelgen jastaǵy adamda jáne onyń shyǵý-tegine qaramastan qan quıýǵa degen qajettilik týyndaıdy. Qanǵa degen qajettilik jalpy bolǵanymen, oǵan qoljetimdilik barlyǵynda birdeı emes. Ásirese qanǵa degen tapshylyq álem halqynyń deni turatyn damýshy elderde baıqalýda.
