Búgin - Dúnıejúzilik dinder kúni
ASTANA. 20 qańtar. QazAqparat - Jyl saıyn qańtar aıynyń úshinshi jeksenbisinde BUU-nyń bastamasymen álemde Dúnıejúzilik dinder kúni (World Religion Day) atap ótiledi.
Atalmysh merekeniń tarıhy 1950 jyly bastaldy. Datany barlyq álemdik dinderdiń mazmunynyń birtutastyǵyn jetkizý jáne din álemdi urysyp-talastyratyn emes, kerisinshe, biriktiretin kúsh ekendigin kórsetý maqsatynda AQSh-taǵy Bahaı Dininiń ulttyq basqarý organy bekitti.
Adamzat tarıhynda kóptegen dinı dástúrler men nanymdar belgili. Olardyń arasynda álemniń ártúrli aýmaǵynda kóptegen senýshileri bar eń úlken úsh dindi bólip aıtýǵa bolady - hrıstıandyq, ıslam jáne ıýdaızm. Sondaı-aq halyqtardyń bir bóligi býddızm, ındýızm jáne zoroastrızmge ǵıdabat etedi.
Árıne, dinder mazmuny jaǵynan bir-birinen ártúrli, biraq olardyń barlyǵy adamzattyń basty qundylyqtary turǵysynda bir-birine etene jaqyn. Onymen bir mezgilde, terrorıstik, ekstremıstik sıpattaǵy, tyıym salynǵan dinı uıymdar da bar ekendigin umytpaý qajet.
