Búgin - Dúnıejúzilik densaýlyq kúni
ASTANA. 7 sáýir. QazAqparat - Búgin - Dúnıejúzilik densaýlyq kúni. Bul ataýly kún Dúnıejúzilik densaýlyq saqtaý uıymynyń qurylǵan kúninde atap ótiledi. 1948 jyly qurylǵannan beri álemniń eki júzge jýyq memleketi Dúnıejúzilik densaýlyq saqtaý uıymyna múshe bolyp otyr.
Densaýlyq kúnin jyl saıyn ótkizý 1950 jyldan bastap dástúrge aınaldy. Bul kún adamdardyń óz ómirlerinde densaýlyqtyń máni qanshalyqty zor ekenin túsinip, búkil álemde adamdar densaýlyǵyn jaqsarta túsý maqsatynda tıisti sheshim qabyldaýlary úshin ótkiziledi. Dúnıejúzilik densaýlyq saqtaý uıymy ár jyldy medıtsınadaǵy asa kókeıkesti máselelerdiń birine arnap otyrady.
2011 jylǵy Dúnıejúzilik densaýlyq kúniniń taqyryby - Mıkrobtarǵa qarsy dárilerdiń turaqtylyǵy jáne aýrý adamdardy emdeý úshin qoldanylatyn kóptegen dárilerdiń jahandyq taratylýy. Uıym 2011 jyly Búkilálemdik densaýlyq kúni bolashaq urpaqtar úshin dárilerdi qorǵaý boıynsha búkilálemdik naýqandy ótkizýge daıyndalady.
