Búgin - Dúnıejúzilik bosqyndar kúni
ASTANA. 20 maýsym. QazAqparat - Túrli memleketter men aımaqtar uzaq jyldar boıy bosqyndarǵa arnalǵan jeke eske alý kúnderin, tipti aptalyqtaryn atap ótip keldi.
Olardyń arasynda eń belgilisi - Afrıka bosqyndary kúni birqatar memleketterde 20 maýsymda atap ótiledi.
BUU Bas Assambleıasy 2001 jyly bosqyndardyń deni turatyn jáne olarǵa qaıyrymdylyq tanytatyn Afrıkamen nıettesý týraly arnaıy sheshimdi biraýyzdan qabyldady.
Búgingi tańda álemde 20 mıllıonǵa jýyq bosqyn jáne 25 mıllıon ishki mıgranttar tirkelgen. Keıbir málimetter boıynsha, bosqyndardyń deni Afrıkada, aýǵan qaqtyǵysynyń aımaǵynda, Balkanda ornalasqan. Munyń barlyǵy bosqyndar máselesin qazirgi álemdegi eń ózekti problema etip otyr.
Búginde 1950 jyly qurylǵan BUU Bosqyndar isi jónindegi joǵarǵy komıssar basqarmasy atalmysh máseleni sheshýge atsalysyp júrgen ortalyq halyqaralyq agenttik bolyp tabylady.
