Búgin - Dúnıejúzilik Bıtlz kúni
ASTANA. 16 qańtar. QazAqparat - Dúnıejúzilik Bıtlz (The Beatles) kúni 2001 jyldan bastap ıÝNESKO-nyń sheshimimen atap ótiledi.
1957 jyly 16 qańtarda Lıverpýlde «The Cavern» klýbynda, sol kezde áli eshkimge beımálim jas mýzykanttar Djon Lennon, Pol Makkartnı jáne Djordj Harrıson ózderiniń juldyzdyq sátterine qadamdaryn bastady. Birneshe jyldan keıin olarǵa taǵy bir bolashaq «bıtlz» Rıngo Starr qosyldy.
Keıinirek, 16 qańtar kúni «The Beatles» tarıhynda taǵy bir eleýli oqıǵa boldy: 1964 jyly osy kúni «Cashbox» jýrnaly «I Want To Hold Your Hand» ánine amerıkandyq hıt-paradta birinshi oryn berdi. Ol ýaqytta án nebári 10 kúnniń ishinde mıllıondaǵan tırajben tarap úlgergen edi.
Bastapqy quramda «The Beatles» segiz jyl jumys istedi. Bul ýaqyt ishinde olar resmı túrde 13 albom shyǵardy, olardyń barlyǵy hıtke aınaldy. Joldaryn amerıkandyq rok-n-roll klassıkterine (olar Elvıs Preslıdiń shyǵarmashylyǵyn úlgige aldy) elikteýden bastaǵan mýzykanttar birte-birte óz stılderin tapty.
Top álemdik tanymaldylyqqa «Please Please Me» sıngli shyqqan 1963 jyly ıe boldy. Osy ýaqyttan bastap dúnıejúzinde «bıtlomanııa» paıda boldy.
