Búgin - Dúnıejúzilik baspasóz bostandyǵy kúni
ASTANA. 3 mamyr. QazAqparat -BUU-nyń bilim berý, ǵylym jáne mádenıet (ıÝNESKO) máseleleri jónindegi Uıymymen maquldanǵan Afrıka elderi táýelsiz baspasóz ókilderiniń bastamasy boıynsha 1992 jyldan bastap jyl saıyn atap ótiledi.
3 mamyr datasy kezdeısoq tańdalǵan joq. 1991 jyly dál osy kúni Namıbııa astanasynda Afrıka elderiniń táýelsiz baspasóz ókilderi «Vındhýk deklaratsııasyn» qabyldady. Deklaratsııa baspasózge bostandyqty jáne onyń demokratııalyq sıpatyn qamtamasyz etýge álem memleketteriniń úkimetterine baǵyttalǵan úndeý bolyp tabylady. Qujatta kez kelgen demokratııalyq qoǵamnyń mańyzdy quramdaýyshy erkin, plıýralıstik jáne táýelsiz baspasóz bolyp tabylatyndyǵy atap ótilgen. 1993 jyly BUU-nyń Bas Assambleıasy 3 mamyrdy Dúnıejúzilik baspasóz bostandyǵy kúni etip bekitý sheshimin qabyldady.
Merekeni atap ótýdegi basty is-shara erkin baspasóz isine qosqan úlesi úshin ıÝNESKO-nyń Gılermo Kano (1986 jyly qaza bolǵan kolýmbııalyq jýrnalıst) atyndaǵy Dúnıejúzilik syılyǵyn tapsyrý bolyp tabylady.
