Búgin - Dúnıejúzilik avıatsııa jáne kosmonavtıka kúni
Bul erekshe kún qazirgi kúni ǵarysh pen ǵylym salasynda qyzmet etetinderdiń saltanatty kúni boldy. Tuńǵysh ǵaryshker - ıÝrıı Alekseevıch Gagarın bul saparǵa qazaq jerindegi «Baıqońyr» ǵarysh aılaǵynan attandy. Baıqońyr basty ǵarysh aılaǵyna aınaldy, ol jerden keńestik kemeler, sosyn Reseı men shetel kemeleri ǵaryshqa attandy.
Al Birikken Ulttar Uıymynyń Bas assambleıasy 65-shi sessııasynda 12 sáýirdi - Adamnyń ǵaryshqa ushýynyń halyqaralyq kúni dep jarııalady. «1961 jyly 12 sáýirde adamzat ǵaryshqa alǵash ret ushty, ol sapardy ıÝrıı Gagarın - Keńes azamaty jasady. Osynaý tarıhı oqıǵa barsha adamzattyń ıgiligi úshin ǵarysh keńistigin zertteýge jol ashty», - delingen qararda.
Osyǵan baılanysty BUU Bas assambleıasy 12 sáýirdi - Adamnyń ǵaryshqa ushýynyń halyqaralyq kúni dep jarııalap otyr.
Osy ataýly kúnniń Qazaqstan úshin mańyzy zor. Qazaq jerinen, ıaǵnı Baıqońyr ǵarysh aılaǵynan osynaý uly oqıǵanyń bastaý alýy bizdiń halqymyz úshin ulttyq maqtanysh pen sımvoldyq mánge ıe.
Búginde qazaqtan shyqqan tuńǵysh ǵaryshker Toqtar Áýbákirov, Talǵat Musabaev jáne Aıdyn Aıymbetov táýelsiz elimizdiń ǵarysh keńistigin baǵyndyrýda jańa ómir paraǵyn ashty. Aıta keteıik, 2015 jyldyń qyrkúıeginde ǵaryshker A. Aıymbetov Jer orbıtasyna ushý barysynda T. Áýbákirov pen T. Musabaevtyń ǵaryshtyq ǵylymı baǵdarlamalaryn jalǵastyrdy.
Qazirgi kezde elimiz ǵarysh qyzmeti salasynda tıimdi saıasat júrgizýde. Álemniń ǵarysh derjavalary bizdiń saladaǵy bul jetistikterimizdi joǵary baǵalaýda jáne Qazaqstanmen beıbit maqsatta ǵarysh keńistigin ıgerý salasynda tyǵyz qarym-qatynas jasaýǵa nıet tanytyp otyr. Osy oraıda elimizde qazirgi kúni ǵaryshty ıgerýge qatysty aýqymdy jobalar júzege asyrylýda. Qazaqstanda Ulttyq ǵarysh agenttigi qurylyp, tıisti jumystar bastalǵaly salada kóp ilgeriledik.
