Búgin - Dúnıejúzilik aqparat kúni

Ol BUU-nyń Ekonomıkalyq jáne Áleýmettik keńesterinde bas konsýltatıvtik dárejesi bar Halyqaralyq aqparat akademııasy men Dúnıejúzilik aqparattyq parlamenttiń bastamasymen 1994 jyldan bastap jyl saıyn 26 qarashada atap ótiledi.

1992 jyly bul kúni Aqparattandyrýdyń alǵashqy halyqaralyq forýmy ótti. Búginde Dúnıejúzilik aqparat kúni álemniń kóptegen memleketterinde atap ótiledi.

Aqparat keń maǵynada - bir adamnan ekinshisine aýyzsha, jazbasha, nemese kez kelgen basqa tásilder (mysalǵa, dybystar men tehnıkalyq quraldardy paıdalaný arqyly) arqyly beriletin málimetter, sondaı-aq osy málimetterdi berý men alý protsesi.

Aqparat qazirgi álemdegi eń basty qundylyqtardyń biri dep te ataýǵa bolady. «Aqparaty bar adamnyń qolynda - álem bar» degen sózder bárine tanys. Aqparattyń sany kúnnen-kúnge  údemeli qarqynmen artý ústinde. Buryn armandaı almaǵan sandyq tehnologııalar - kompıýterler, uıaly telefondar, ınternet, planshetnıkter, búgingi kúnniń ajyramas bóligine aınaldy.

Biraq onymen birmezgilde ártúrli mazmundaǵy aqparattar massasynyń artýy da bolyp jatqandyǵyn atap ótý kerek. Ol «aqparattyq jarylys» dep atalady. Sońǵy ýaqyttary psıhologtar aqparattyq tehnologııalar men alynyp jatqan aqparatty durys paıdalanýdy bilmeý, naqtyraq aıtqanda, onyń sapasy men kólemin qadaǵalaı almaý «aqparattyq kúızelisterge» alyp keledi. Al munyń arty áleýmettik zardaptarǵa jáne densaýlyq problemalaryna ulasýy múmkin.