Búgin - Dúnıejúzilik aqquba qyzdar kúni

Aqquba qyzdar kóptegen anekdot keıipkerleri, shashtaraz óneri men totyq sýteginiń tutqyndary, glamýr áleminiń beıkúná qurbandary, solıarıı men sılıkon ámirshileri, naǵyz djentelmenderdiń súıiktileri jáne áıeldiń joǵary logıkasynyń ıeleri. Qoǵam olardy qaljynǵa da aralastyryp,  súısine de qarap osylaı ataıdy. Bul kún úlken aýqymda alǵash ret 2006 jyly atap ótildi. Ol kezde aqquba qyzdarǵa arnalǵan «Brıllıantovaıa shpılka» syılyǵyn tapsyrý rásimi ótti.

Ǵalymdardyń esepteýinshe, tabıǵatynan aqquba adamdar óte sırek kezdesedi. Al 2202 jylǵa qara aqqubalar álem betinde múldem bolmaıdy. Sebebi, tek sońǵy 50 jylda aqquba shashty erler men áıelderdiń sany (ǵalamshar turǵyndarynyń jalpy sanynan) 49-dan 14 paıyzǵa azaıdy. Buǵan birneshe sebep bar. Birinshiden, náreste aqquba bolyp týý úshin ata-ananyń ekeýiniń de shashtary aqshyl bolýy kerek. Ekinshiden, qaraqońyr shashty halqy kóp elderde adamdardyń sany qarqynmen ósýde, al eýropalyqtar, ıaǵnı «aqquba genderiniń» ıesi bolyp tabylatyn - nemister, skandınavtar, reseılikter kóp jaǵdaıda bir balamen shekteledi. Ǵalymdardyń pikirinshe, aqshyl shashty sońǵy shaqalaq adam basyna shaqqanda eń kóp aqqubalar turatyn - Fınlıandııada dúnıege keledi.