Búgin - Dızaınerler kúni
ALMATY. 9 qyrkúıek. QazAqparat - Búgin - dızaıner-grafıkter kúni.
TMD elderiniń dızaıner-grafıkteri ózderiniń kásibı merekelerin 9 qyrkúıek kúni toılaıdy. Bul mereke áıgili dızaıner-grafık, kóptegen halyqaralyq ári otandyq marapattardyń ıegeri Vladımır Chaıkanyń 50 jyldyǵyna oraı quryldy. Vladımır Chaıkanyń jumystary Brno, Varshava, Helsınkı, Zagreb, Harkov, Máskeý qalalarynda ótken festıvaldarda birneshe márte úzdik dep tanylǵan.
Ýaqyt ótken saıyn jańalyqtar ındýstrııasynda aqparat quraldarynyń damýyna oraı dızaıner-grafık mamandyqtaryna suranys artýda.
Bul salanyń mamandary kitap, gazet-jýrnaldarǵa maket jasap, saıt, kompıýter baǵdarlamalaryn qurýmen aınalysady. Shrıft oılap tabý, kórkemdeý, jarnama modýlderi men kollajdar qurý da osy saladaǵy mamandardyń jumysy bolyp tabylady.
