Búgin Davosta Búkilálemdik ekonomıkalyq forým bastalady
ASTANA. QazAqparat - Shveıtsarııanyń Davos qalasynda keshe, 22 qańtarda 48-shi Búkilálemdik ekonomıkalyq forýmynyń ashylý saltanatyna arnalǵan kesh ótti. Al forým 23-26 qańtar aralyǵynda bolady, dep habarlaıdy euronews.com.
Al «Anadoly» agenttiginiń habarlaýynsha, 70-ke jýyq elderdiń memleket jáne úkimet basshylary, sondaı-aq jetekshi halyqaralyq uıymdar men kompanııalardyń basshylary qatysatyn sharada ekonomıka, qaýipsizdik jáne qorshaǵan ortany qorǵaý salalaryna qatysty ózekti máseleleri talqylanady.
Aıta ketelik, forýmǵa AQSh prezıdenti Donald Tramp, Ulybrıtanııa premer-mınıstri Tereza Meı, Frantsııa prezıdenti Emmanýel Makron, Germanııa kantsleri Angela Merkel, Italııa premer-mınıstri Paolo Djentılonı, Úndistan premer-mınıstri Narendra Modı, Kanada premer-mınıstri Djastın Trıýdo, Ázerbaıjan prezıdenti Ilham Álıev jáne taǵy basqalar qatysady.
Іri halyqaralyq sharaǵa baılanysty Shveıtsarııaǵa BUU Bas hatshysy Antonıo Gýterrısh, DSU basshysy Roberto Azevedo, HVQ dırektory Krıstın Lagard Davosqa keledi.
Álemge tanymal kompanııalardan: Google, Microsoft, Facebook, UPS, Maersk, Engie, Renault, Airbus, Total, Bayer, Deutsche Bank, Monsato, Henkel, Siemens, Volkswagen, Tata, Hitachi, Mitsubishi, ING, Alibaba, Huawei, Gazprom, Saudi Aramco, Novartis, Nestle, Barclays, HSBC, JP Morgan, Citi, IBM, Morgan Stanley, Nike, Pepsi, Pfizer, Procter & Gamble, Qualcomm, Soros, Carlyl, Coca-Cola, Goldman Sachs jáne Uber ve Walmart basshylary qatysady.
