Búgin Chılı azamattary jańa prezıdentin saılaıdy

dep habarlaıdy RBK agenttigi.

Birinshi týrdan keıin oppozıtsııadan daýysqa túsken 60 jastaǵy kásipker Sebastıan Pınera alda keledi. Ol birinshi týrda 44 paıyzǵa jýyq daýysqa ıe boldy. Ekinshi týrdaǵy onyń básekelesi Edýardo Freı «Demokratııa úshin partııalar birlestigi» bılik koalıtsııasynyń ókili. Onyń kandıdatýrasyn qazirgi el prezıdenti Mıshel Bachelet qoldady. Alǵashqy týrda oǵan saılaýshylardyń 29,6 paıyzy daýystaryn berdi.

Chılıdiń saılaý zańnamasy boıynsha, atap aıtqanda, el konstıtýtsııasynda prezıdent 4 jyl merzimge bir-aq ret saılanatyny kórsetilgen.

Chılıde daýys berý mindetti, oǵan qatyspaǵandarǵa aıyppul salynady. Saılaýshylar eger daýys beretin kúni aýyryp qalǵany jóninde mańaıtaǵy polıtseı ýchaskesine anyqtama tapsyrsa nemese eń jaqyn ýchaskeden 200 shaqyrym qashyqta bolsa ǵana aıyppuldan qutylady.

Memlekettiń jańa basshysy 2010 jylǵy naýryzdyń 11-inde ózińniń mindetin atqarýǵa kirisedi.