Búgin Búkildúnıejúzilik júıke saýlyǵy kúni
ASTANA. 10 qazan. QazAqparat - Búkildúnıejúzilik júıke saýlyǵy kúni álemde 1992 jyldan bastap Búkildúnıejúzilik júıke saýlyǵy federatsııasynyń bastamasymen atap ótiledi.
Dúnıejúzilik densaýlyq saqtaý uıymy búgingi kúni ǵalamsharda psıhıkalyq syrqattarǵa shaldyqqan 450 mln. adam turatyndyǵyn málimdedi. Al batys elderde árbir jetinshi adam paranoık, shızofrenık nemese kúızeliske túsip, maskúnemdikke salynǵan.
Búkildúnıejúzilik júıke saýlyǵy kúniniń maqsaty kúızeliske shaldyǵýdyń, shızofrenııanyń, Altsgeımer syrqatynyń, esirtkige táýeldiliktiń, epılepsııanyń, aqyl-oı kemistiginiń taralýyn azaıtý bolyp tabylady.
Atalmysh aýrýlardyń paıda bolýyna aqparatty tym artyq qabyldaý, eldegi saıası jáne ekonomıkalyq aýytqýshylyqtar áser etedi. Al syrqattyń alǵashqy belgisi - kúızelister.
Kúızelister qazirgi álemdegi adam ómiriniń bir quramdasyna aınaldy. Adamdar olardy boldyrmaýdyń ornyna, kúresýge úırenip qalǵan.
