Búgin Búkildúnıejúzilik kúlimsireý kúni
ASTANA. 5 qazan. QazAqparat - Búkildúnıejúzilik kúlimsireý kúni jyl saıyn qazannyń alǵashqy jumasy kúni atap ótiledi. Bul tamasha merekeniń bar bolǵanyna álem sýretshi Harvı Bellaǵa alǵys aıtýy kerek.
Sýretshi HH jyldyń basynda Amerıkada ómir súrdi. Onyń shyǵarmashylyǵy este qalarlyqtaı erekshelenbedi: synshylar oǵan asa qyzyǵýshylyq tanytqan joq, onyń kartınalary ómirsheń bolatynyn eshkim boljamaǵan.
Biraq bir kúni oǵan State Mutual Life Assurance Company of America saqtandyrý kompanııasynyń ókilderi kelip, kompanııanyń bet beınesi bolatyn, este saqtalatyn sımvoldy oılap tabýdy ótindi.
Harvı kóp oılanbaı, tapsyrys berýshilerge qazirgi ınternetti paıdalanýshylar «smaılık» dep ataıtyn - kúlimsiregen júzi bar sary sheńberdi usyndy. Bul 1963 jyly boldy. Tapsyrys berýshiler jumysty qabyldady, Bellge elý dollar berip, sımvoldy kóbeıtti de kompanııanyń barlyq qyzmetkerine taratyp berdi. Jetistik kútkennen de zor boldy. Al birneshe aıdan keıin-aq on myńnan astam tósbelgi shyǵaryldy.
Kóp uzamaı kúlimsiregen sheńber fýtbolkalarda, beısbolkalar, konvertter, ashyqhattar men sirińke qoraptarynda paıda bola bastady. Tipti AQSh-tyń poshta vedomstvosy osy sımvolmen markany shyǵardy.
Búkildúnıejúzilik kúlimsireý kúni alǵash ret 1999 jyly atap ótildi. Sýretshi bul kún jaqsy kóńil-kúıge arnalýy tıis dep sanady.
