Búgin - Búkildúnıejúzilik qan tapsyrýshy kúni

2005 jyldyń mamyrynda Dúnıejúzilik densaýlyq saqtaý assambleıasynyń otyrysy barysynda álem elderiniń densaýlyq saqtaý mınıstrleri erikti qan tapsyrýdy qoldaý týraly ótinishti biraýyzdan qoldady. Olar WHA58.13 qararynda jyl saıyn 14 maýsym kúni Búkildúnıejúzilik donor kúnin atap ótýdi qaýly etti.

Búkildúnıejúzilik donor kúni aqysyz qap tapsyrýshylardyń qurmetine oraı atap ótiletin - erekshe kún. Ol Dúnıejúzilik densaýlyq saqtaý uıymynyń, Qyzyq Krest jáne Qyzyl Aı qoǵamdary halyqaralyq qaýymdastyqtarynyń, Qan quıý boıynsha halyqaralyq qoǵamnyń jáne Qan donorlaryn uıymdastyrý halyqaralyq qaýymdastyǵynyń úıymdastyrýymen atap ótiledi.

Іs-sharalarǵa BUU-ǵa múshe 193 el, Qyzyl Krest pen Qyzyl Aıdyń 181 ulttyq qoǵamy, erikti donorlardyń 50 uıymy men álemniń barlyq elderinen qan quıý boıynsha kóptegen mamandar qatysady.

Álemde árbir sekýndta, kez kelgen jastaǵy adamdarǵa qan quıý qajettigi týyndaıdy. Qanǵa degen muqtajdyq ortaq bolǵanymen, ókinishke qaraı, oǵan zárý jandardyń barlyǵynyń qoly jete bermeıdi.
Qanǵa degen ótkir qajettilik ásirese, álem halqynyń basym deni turatyn damýshy elderde kórinis tabýda.