Búgin - Búkilálemdik týberkýlezben kúres kúni
ALMATY. Naýryzdyń 24-i. QazAqparat /Ádilet Musahaev/ - Dúnıejúzilik densaýlyq saqtaý uıymynyń sheshimi boıynsha naýryzdyń 24-i búkilálemdik týberkýlezben kúres kúni bolyp tabylady.
Alǵash 1882 jyly nemis mıkrobıology Robert Koh týberkýlez qozdyrǵyshyn anyqtaǵan bolatyn. Al 1993 jyly dúnıejúzilik densaýlyq saqtaý uıymy týberkýlezdi ulttyq apat dep tanyp, naýryzdyń 24-in búkilálemdik týberkýlezben kúres kúni dep jarııalady.
Qazirgi tańda atalmysh dertten jyl saıyn 1,6 mıllıon adam kóz jumsa, onyń kóbi damýshy elderdiń turǵyndary.
1993 jyly DSU hımıoterapııanyń qysqa kýrstarymen tikeleı tekserip, emdeıtin týberkýlezben kúrestiń jańa joly retinde DOTS strategııasyn resmı túrde usynǵan bolatyn.
DOTS-tyń negizgi mindeti saıası qoldaý kórsetý, mıkroskop arqyly dıagnostıka jasaý, dári-dármektiń senimdi jabdyqtalýyn, emdelý barysyn baqylaý jáne nátıjelerdiń júıeli baǵasyn jasaý bolyp tabylady.
DOTS - bul týberkýlez indetine shaldyqqan, qorshaǵan orta úshin qaýipti aýrýlardy aıqyndap, olardy emdeýge baǵyttalǵan strategııa. Sondaı-aq ol strategııanyń qaǵıdalary kez kelgen elge birdeı. Qazirgi ýaqytta álemniń 180 elinde atalmysh strategııa boıynsha jumystar sátti júrgizilýde.
