Búgin - Búkilálemdik sálemdesý kúni
ASTANA. 21 qarasha. QazAqparat - Búgin - Búkilálemdik sálemdesý kúni (World Hello Day). Ol jyl saıyn 21 qarasha kúni atap ótiledi.
Bul erekshe meıramdy 1973 jyly Mysyr men Izraıl arasyndaǵy sýyq soǵystyń qyzǵan kezinde aǵaıyndy amerıkandyqtar Maıkl men Braıen Mokkomak oılap tapty. Bul kún halyqaralyq alańdaýshylyqqa qarsy narazylyqty kúsheıtý belgisi retinde qajetti boldy. «Qarapaıym, biraq tıimdi áreket kerek», - dep sheshken aǵaıyndylar álemniń túkpir-túkpirine jaıdarman sálemdesýlerin jiberdi. Olar búkil álemdegi beıbitshilik úshin ıdeıalaryn eshkimge de mindettegen joq. Olar sálemdi qabyl alýshydan tek taǵy bireýlermen, eń bolmaǵanda on adammen jyly amandasýdy surady.
Bul ıdeıa 180-nen astam elde qoldaýǵa ıe boldy. Sol ýaqyttan beri Búkilálemdik sálemdesý kúnin kásibi men jas ereksheligine qaramastan, iri saıası kóshbasshylar da, ónerkásip magnattary da, búkil álemge tanymal kıno jáne teledıdar tulǵalary da atap ótýde. Bul dostyq sálemdesýler, qýanyshty emotsııalar jáne jaqsy kóńil kúı úshin tamasha kún.
