Búgin - Búkilálemdik poshta kúni
ASTANA. Qazannyń 9-y. QazAqparat - Búgin - Búkilálemdik poshta kúni. Bul mereke 1969-shy jyly Tokıoda ótken Dúnıejúzilik poshta odaǵynyń XVI kongresiniń sheshimi boıynsha ótkiziledi.
Qazir qyzmet kórsetetin baılanys túrleriniń arasynda bárinen buryn poshta paıda bolǵan. Búginde ol, tipti telefon jelisi men elektr qýaty jetpeıtin eldi mekenderge de, ıaǵnı búkil álemge derlik jaıylǵan.
Bálkim, ýaqyt óte kele poshta baılanysy qarym-qatynas jasaýdyń basqa da shapshańyraq túrlerine oryn berer, biraq hattar men túrli-tústi ashyq hattar ǵana ótken oqıǵalardy eske túsirip qala bermek. Jaqyn adamdaryńyzǵa hat jazyńyz, olardyń júrekterinde ózińiz týraly estelik qaldyryńyz!
