Búgin - Búkilálemdik metrologııa kúni
ASTANA. QazAqparat - Búgin, 20 mamyrda saǵat 15:00-de Etalon ortalyǵynyń 8-qabatynda Búkilálemdik metrologııa kúnine (World Metrology Day) arnalǵan saltanatty shara bolady.
Bul kún ataqty «Metrıkalyq Konventsııa» (Metre Convention) halyqaralyq dıplomatııalyq konferentsııasynda 1875 jyly Parıj qalasynda 20 mamyrda qol qoıylyp, sodan bastap mereke retinde toılana bastady. Sonyń negizinde Úkimetaralyq ólshem men tarazylaý halyqaralyq uıymy quryldy. Búkilálemdik metrologııa kúni-2014 urany - «Ólsheý jáne jahandyq energetıkalyq shaqyrý».
Aıta keter jaıt, merekelik shara barysynda «2014 jylǵy Úzdik ólsheý quraly» jáne «2014 jyldyń úzdik jas metrology» baıqaýlarynyń jeńimpazdary marapattalmaq.
Іs-shara Qazaqstan Respýblıkasy Indýstrııa jáne jańa tehnologııalar mınıstrliginiń Tehnıkalyq retteý jáne metrologııa komıteti basshylarynyń, metrologııa zań shyǵarýshy basqarmasy ókilderiniń, halyqaralyq baılanys jáne biliktilikti arttyrý «KazInMetr» RMM jáne «Ulttyq akkredıtatsııalaý ortalyǵy» JShS synama zerthanasyn baǵalaý basqarmalarynyń qatysýymen ótedi, dep habarlaıdy QR IJTM baspasóz qyzmeti.
