Búgin - Búkilálemdik meteorologııa kúni
ALMATY. Naýryzdyń 23-i. QazAqparat /Erbol Azanbek/ - Búgin - Búkilálemdik meteorologııa kúni. Ár jyl saıyn bul kúndi búkilálemdik meteorologııa uıymyna múshe 189 memleket atap ótedi, dep habarlaıdy QazAqparat.
Bul kúndi atap ótý búkilálemdik meteorologııalyq uıymdardyń konventsııasy kúshine engen 1950 jylǵy naýryzdyń 23-inen bastalady. Jyl saıyn mereke «Aýa raıy, tabıǵat jáne sý - aqparattyq dáýirge» degen uranmen ótedi.
Sońǵy 10 jyldaǵy statıstıkalyq málimetter kórsetkendeı, 80 paıyzdan astam tabıǵı apattar meteorologııalyq nemese gıdrologııalyq saldardan týyndaıdy. 20 ǵasyrdyń 50-shi jyldary álemde oryn alǵan tabıǵı apattar jylyna 4 mıllıard dollar shyǵyn ákelse, 90-shy jyldary jylyna 40 mıllıard dollarǵa deıin shyǵyn ákelgen.
