Búgin - Búkilálemdik gýmanıtarlyq kómek kúni
ASTANA. 19 tamyz. QazAqparat - Búgin - Búkilálemdik gýmanıtarlyq kómek kúni. Ony BUU Bas Assambleıasy 2008 jylǵy 11 jeltoqsandaǵy arnaıy qararymen (63/139) jarııalaǵan.
Al 2009 jyly 5 naýryzda BUU-nyń Bas Assambleıasy A/RES/63/139 qararyn jarııalady. Bul kún 19 tamyzdan bastap atap ótiledi. 2003 jyly osy kúni BUU-nyń Baǵdattaǵy shtab-páterindegi jarylystan 22 adam qaza boldy. Sonyń ishinde BUU-nyń kórnekti qaıratkeri Serjıý Vıeıra dı Mellý de bar.
Bas Assambleıanyń qararynda aıtylǵandaı, Búkilálemdik gýmanıtarlyq kómek kúni búkil álemde gýmanıtarlyq kómek kórsetý jónindegi is-qımyl týraly qoǵamnyń habardarlyǵyn arttyrýǵa jáne búkil gýmanıtarlyq qyzmetshilerge, gýmanıtarlyq múddelerdi ómirge engizýge járdem jasaǵan Birikken Ulttar Uıymynyń qyzmetshilerin jáne olarmen baılanystaǵy qyzmetshilerdi de qosa eseptegende, sondaı-aq óz paryzdaryn atqarý ústinde ómirlerin qıǵandarǵa tıisinshe ońdy baǵasyn berýge kómektesýdi kózdeıdi.
2009 jyly atap ótilgen Birinshi Búkilálemdik gýmanıtarlyq kómek kúni basqalardy qutqarý kezinde qaza tapqandardy eske alýǵa arnaldy.
