Búgin Búkilálemdik baspana kúni
ASTANA. 1 qazan. QazAqparat - Jyl saıyn qazan aıynyń alǵashqy dúısenbisinde BUU bekitken mereke - Búkilálemdik baspana kúni (World Habitat Day) atap ótiledi.
1985 jyly Eldi mekender jónindegi komıssııanyń usynysy boıynsha, BUU Bas Assambleıasy 2000 jylǵa qaraı ǵalamshar halqyn baspanamen qamtamasyz etý maqsatynda Búkilálemdik baspana kúnin bekitti.
1996 jyldan bastap Búkilálemdik baspana kúnine Búkiálemdik arhıtektýra kúni oraılastyryldy.
Turǵyn jaı jáne ómir súrý jaǵdaılary problemasy 1976 jyly Vankýverde ótken qonystardyń turaqty damýy jónindegi BUU-nyń alǵashqy konferentsııasynda-aq kóterilgen bolatyn. Sodan beri álem birshama ózgerdi, biraq turǵyn úılerdiń jetkiliksizdigi, kedeıshilik, lastaný jáne naýqastaný óz ózektiligin joǵaltpady.
Baspana kúni ǵalamshardaǵy árbir adam derbes turǵyn jaıǵa óziniń quqyǵyn qorǵap qalýǵa múmkindigi barlyǵyn aıtý úshin bekitildi. Baspana problemasy barlyq derlik memlekettiń problemasy. Búkilálemdik baspana kúni bılikti árbir adam úshin turǵyn jaıǵa qoljetimdilikti oılandyrýǵa úndeıdi.
