Búgin Búkilálemdik azyq-túlik kúni
ASTANA. 16 qazan. QazAqparat - Búkilálemdik azyq-túlik kúni jyl saıyn 16 qazan kúni atap ótiledi. Mereke 1979 jyly bekitildi.
Mereke adamzatty ashtyqtan aryltý - jahandyq problemasyn sheshý úshin nendeı jumystar atqaryldy jáne atqarylýy tıistigi týraly oılanýǵa negiz salady.
Ataýly kún 1945 jyldyń 16 qazanynda BUU-nyń Azyq-túlik jáne aýyl sharýashylyǵy uıymynyń qurylý datasyna oraı bekitildi.
Alǵash ret álem elderi ǵalamshardaǵy ashtyqty joıýdy jáne aýyl sharýashylyǵynyń turaqty damýy úshin jaǵdaılardy jasaýdy mańyzdy mindetterdiń biri retinde resmı túrde jarııa etti.
1981 jyldan bastap Búkilálemdik azyq-túlik kúni ár jyly belgili taqyryp aıasynda atap ótilip keledi.
