Búgin búkil álemde «Jer saǵaty 2013» naýqany ótedi
ASTANA. 23 naýryz. QazAqparat - Búgin saǵat 20:30-da klımat ózgerisimen kúresýde birikken amaldardyń qajettiligin kórsetý maqsatynda jer júzindegi adamdar jetinshi ret jaryqty bir saǵatqa, Jer saǵatyna, óshiredi. Qazaqstan, búkilálemdik klımattyq qozǵalys pen turaqty bolashaqqa degen umtylysty belsendi qoldap, Jer saǵatyna bes jyl boıy qatysyp kele jatyr.
Jer saǵaty 2007 jyly Avstralııada WWF Dúnıejúzilik Tumsa tabıǵat qorynyń bastamasymen Sıdneıde alǵashqy ret ótkizildi, sodan beri, klımat ózgerisi joq, barlyǵy tabıǵat qorlarymen qamtylǵan, adam tabıǵatpen úılesimdi ómir súretin bolashaqty qurý umtylysynda barlyq qurlyqtaǵy 152 memleketiń 7000-nan astam qalalaryn biriktirgen iri halyqaralyq ekologııalyq bastamaǵa aınaldy.
«Jer saǵaty 2013» naýqany «Seniń júrisiń - meniń júrisim: Ǵalamshardy qutqarý úshin, álemge úndeý tasta!» uranymen ótedi. YouTube beıne platformasy arqyly árbir adam, basqalardy Ǵalamshardy qutqarýda óz úlesin qosýǵa jáne kúndelikti shara qoldanýǵa yntalandyryp, álemge uran tastaı alady. Jer Saǵatynyń teń quryltaıshysyA ndı Rıdlı.
«Eger 10 000 adam bizdiń beıne platformada álemge ózderiniń urandaryn tastasa, men úlken aq akýlasy bar sýǵa sekiremin» degen ýáde aıtyp, ony oryndady.
«Eger 1500 adam elektr qýatynan bir kúnge bas tartýǵa kelisse, biz bir apta boıy elektr qýatynsyz ótkizemiz», «Eger 1000 adam úıde qoqysty suryptaýdy bastasa, kompanııa 100 aǵash otyrǵyzady», «Meniń ápkem úıde kún panelin ornatsa, men apta boıy jaıaý júremin». Al Siz Ǵalamtordy qutqarý úshin ne jasaı alasyz? - deıdi Andı Rıdlı.
2012 jyly Qazaqstan jastary jáne elimizdiń ártúrli mekemeleri belsendi áreketterge shaqyrǵan úndeýge ilese Qazaqstannyń ártúrli qalalarynda Jer Saǵatyn qoldap ondaǵan sharalardy júrgizdi: kınoteatrlarda Lıýk Bessonnyń Home (Jer ǵalamshary) fılmi kórsetildi, Astana, Aqtaý jáne eldiń basqa qalalarynda Fireshow jáne jergilikti mýzykalyq toptardyń qatysýymen este qalarlyq kóshe kontsertteri ótti, Almaty men Shymkentte JerVeloSaǵattary - qalanyń ortalyǵanda kóliktiń alternatıvti túrleriniń damýyn nasıhattaǵan velojarystar ótkizildi.
Naýqandy Qazaqstan Respýblıkasynyń Prezıdenti Nursultan Ábishuly Nazarbaev, QR Qorshaǵan ortany qorǵaý mınıstrligi, 14 oblys pen Almaty, Astana qalalarynyń ákimdikteri qoldap otyr.
