Búgin Brıýsselde EURO-2012 chempıonatynyń irikteý satysy aıasynda fýtboldan Qazaqstan men Belgııa quramalary saıysqa túsedi
ıÝSSELЬ. 7 qazan. QazAqparat /Dımash Syzdyqov/ - Búgin Brıýsseldegi «Korol Boldýın» stadıonynda EURO-2012- Eýropa chempıonatynyń irikteý satysy aıasynda Qazaqstan men Belgııa quramalary kezdesedi.
Oıyn aldyndaǵy dástúrli baspasóz máslıhaty kezinde fýtboldan Qazaqstan quramasynyń bas jattyqtyrýshysy Mıroslav Beranektiń atap ótkenindeı, bul oıynda Belgııa óz alańynda oınaǵandyqtan, aldyna jan salmaýǵa tyrysady. «Sondyqtan biz úshin sportshylarymyzdyń qarsylastarynan qaımyqpaı, joǵary dárejedegi oıyn kórsetýi óte mańyzdy. Uıymdasa oınap, óreskel qateler jibermesek, biz jaqsy nátıjelerge qol jetkizip, bar shamamyzsha oınaıtyn bolamyz. Jáne de Belgııa sııaqty myqty qarsylaspen bir alańǵa shyqqanda, bizge árıne sáttilik te óte qajet», - deıdi Qazaqstan quramasynyń bas jattyqtyrýshysy.
Sonymen qatar M.Beranek aldaǵy jarys jańartylǵan Qazaqstan quramasy úshin tájirıbe jınaýǵa da kómektesetinin atap ótti. «Árıne, Belgııa komandasy da jeńiske jetkisi keledi, biz óz tobymyzdaǵy sońǵy komanda bolyp tabylamyz. Alaıda biz Túrkııa quramasymen bolǵan oıyndaǵydaı fýtbol kórsetkimiz keledi. Osyndaı qıyn jarystarda bizdiń qurama shyńdala túsedi», - dedi jattyqtyrýshy.
