Búgin Brıtanııada Ýılıam Shekspırdiń týǵan kúni atap ótilýde
ASTANA. QazAqparat - Ulybrıtanııa halqy men búkil álem búgin - 23 sáýir kúni uly aǵylshyn dramatýrgi ári aqyny Ýılıam Shekspırdiń týǵanyna 450 jyl tolýyn atap ótip jatyr.
Ataqty dramatýrgtiń týyndylary áli kúnge deıin álem teatrlarynyń sahnalarynan túspeı keledi, ol eń tanymal teatr avtorlarynyń biri sanalady. Aty álemge jaıylǵan talantty shyǵarmashylyq ıesiniń naqty týǵan kúni tarıhta qalmaǵan. Degenmen, onyń 26 sáýir kúni shoqyndyrylǵany belgili.
Ýılıam Shekspır Anglııanyń provıntsııalyq qalasy Eıvondaǵy Stratfordta І Elızaveta patshaıym basqarǵan kezeńde dúnıege kelgen. Onyń ádebıet pen teatr salasyndaǵy shyǵarmashylyǵynyń órleý kezeńi І ıAkov kezeńine tuspa-tus keldi.
Shekspırdiń qaldyrǵan qundy murasynda 38 pesa, 154 soneta, 4 poema men úsh epıtafııa bar. Ol pesalar jazyp qana qoımaı, sonymen birge, olardy ózi sahnalaǵan. Sondaı-aq teatrda «Globýs» degen atpen óner kórsetken «Koroldiń qyzmetshileri» akterler trýppasyna jetekshilik etti.
Aǵylshyndyq danyshpannyń «Gamlet», «Korol Lır», «Romeo men Djýletta» syndy tragedııalary óziniń qundylyǵyn joıǵan emes, dep jazady ITAR-TASS.
