Búgin Bolgarııada merziminen buryn parlamenttik saılaý ótedi

Onda 6,9 mln. saılaýshy 36 partııa usynǵan kandıdattardyń arasynan jańa parlamenshilerdi tańdaıtyn bolady.

Saılaýdyń barysyn 250 halyqaralyq baıqaýshy baqylaıtyn bolady. Kútilip otyrǵandaı, partııalardyń eshbiri daýystardyń basym bóligine ıe bolmaıdy jáne saılaýǵa kelýshilerdiń sany 50 paıyzdan aspaıdy. Bul týraly Associated Press habarlady.

Saılaýdyń merziminen buryn ótkizilýine eldegi birqatar daý-damaılar sebep boldy. Atap aıtqanda, saıasatkerlerdiń telefon áńgimelerin zańsyz tyńdaý, ony uıymdastyrýda burynǵy ishki ister mınıstri Tsvetan Tsvetaev aıyptalýda. Prokýrorlardyń aıtýynsha, ol laýazymdyq mindetin atqarý kezinde saıası qarsylastardyń áńgimelerin tyńdaý úshin jaýapty bolǵan.

Onymen qosa, ótken táýlikte polıtseıler tıpografııadan bekitilgen qajetti kólemnen asyra basylyp shyǵarylǵan daýys berýge arnalǵan 350 myń bıýlletendi tárkiledi.