Búgin «Bolashaq» stıpendııasy túlekterine arnalǵan bos jumys oryndary jármeńkesi ótedi
ASTANA. QazAqparat - Búgin QR Bilim jáne ǵylym mınıstrliginiń qoldaýymen Nazarbaev Ýnıversıteti jáne Halyqaralyq baǵdarlamalar ortalyǵy túlekter men stýdentterge arnalǵan Job/internship fair & Networking bos jumys oryndarynyń jármeńkesin ótkizedi.
Bul týraly "Halyqaralyq baǵdarlamalar ortalyǵy" AQ habarlaıdy.
Qazaqstan Respýblıkasy Prezıdentiniń «Bolashaq» halyqaralyq stıpendııasy túlekterin jumysqa ornalastyrý úshin ótkiziletin jármeńke «Nazarbaev Ýnıversıteti» DBBU-da bolady.
Sharanyń maqsaty - qazaqstandyq jáne sheteldik jumys berýshilerge, «Bolashaq» baǵdarlamasy túlekteri men «Nazarbaev Ýnıversıteti» DBBU stýdentteriniń adamı kapıtal qalyptastyrýyna, eńbek naryǵynda adamı resýrstardy damytýyna, kásibı ósý men jumysqa ornalasýǵa kómektesý alańyn qurý. Baǵdarlama barysynda qazaqstandyq jáne sheteldik jumys berýshilerdiń qatysýymen ýnıversıtet stýdentteriniń taǵylymdamadan ótýi men kásibı tájirıbe alý sharalaryn uıymdastyrý josparlanýda.
Atalmysh is-sharaǵa Ýnıversıtettiń tehnıkalyq jáne gýmanıtarlyq mamandyqtar boıynsha oqıtyn 500-den astam sońǵy kýrs stýdentteri, sondaı-aq, «Bolashaq» halyqaralyq stıpendııasynyń 600-jen astam túlekteri qatysady.
Aıta keteıik, «Nazarbaev Ýnıversıteti» DBBU-da Job/internship fair & Networking tuńǵysh ret ótkeli otyr. Uıymdastyrýshylardyń paıymdaýynsha, bul jyl saıyn ótkiziletin sharaǵa aınalýy tıis. Qatysýshylar úshin bos jumys oryndarynyń jármeńkesi Qazaqstannyń eńbek naryǵyndaǵy qazirgi jaǵdaıǵa, kadrlyq saıasattan málimet alýǵa, memlekettik jáne jekemenshik sektorda beıimdelý men tıimdi jumys isteýge keń múmkindik ashady.
Sharaǵa 50-den astam qazaqstandyq jáne sheteldik jetekshi kompanııalar, onyń ishinde «KazAgroInnovatsııa» AQ, «Air Astana», «Qazaqstan Damý banki» AQ t.b. qatysady.
Odan bólek, jármeńke barysynda jumys berýshiler kompanııanyń qyzmeti jaıly tusaýkeser ótkizedi. Sondaı-aq kásibı mashyqty damytý trennıngteri, jumys izdeýshilermen suhbattar jáne testileý júrgiziledi. Ári paneldi sessııalar (Networking) - ár jyldardaǵy «Bolashaq» baǵdarlamasynyń tanymal túlekterimen beıresmı kezdesý uıymdastyrý da kózdelýde.
