Búgin «Bolashaq» baǵdarlamasynyń tıimdiligin baǵalaýdy zertteý nátıjesiniń qorytyndysy tanystyrylady
ASTANA. 5 qarasha. QazAqparat - Búgin elordada «Nur Otan» HDP Qoǵamdyq saıasat ınstıtýtynyń ««Bolashaq» baǵdarlamasynyń tıimdiligin baǵalaý» atty zertteý nátıjesiniń qorytyndysy men ǵylymı monografııa jobasyn tanystyrýdy kózdegen baspasóz máslıhaty ótedi.
Atalmysh zertteý QR Prezıdentiniń «Bolashaq» halyqaralyq baǵdarlamasynyń 20 jyldyǵyna arnalyp otyr. Instıtýt sarapshylary stıpendııanyń tıimdiligi jóninde qoǵamdyq pikirdi zertteı otyryp, baǵdarlamany júzege asyrýdaǵy negizgi úrdisti anyqtady.
Tanystyrylymǵa bilim salasyndaǵy sarapshylar, baǵdarlamanyń seriktesteri bolyp tabylatyn sheteldik uıymdar men zertteý ortalyqtarynyń, joǵary oqý oryndarynyń ókilderi, sonymen qatar «Bolashaq» stıpendııasy qaýymdastyǵynyń ókilderi shaqyrylyp otyr.
