Búgin bokstan Olımpıada joldamalary sarapqa salynyp jatqan dodada І. Súleımenov óziniń alǵashqy kezdesýin ótkizedi
ASTANA. 7 sáýir. QazAqparat - Astanadaǵy «Dáýlet» sport kesheninde bokstan Azııa aımaǵy boıynsha London Olımpıadasynyń joldamalary sarapqa salynatyn dúbirli doda búgin de jalǵasyn tabady.
7 sáýir kúni túski saǵat 14.00 shamasynda jerlesimiz Іlııas Súleımenov olımpıadalyq lıtsenzııa úshin bolatyn jekpe-jekte óziniń alǵashqy kezdesýin ótkizbek. І. Súleımenovtyń qarsylasy qyrǵyz eliniń boksshysy Azat Úsenalıev.
Astanalyq Іlııas Súleımenov óner kórsetetin 52 keli salmaq dárejesinde London olımpıadasynyń tórt joldamasy sarapqa salynatynyn eske salamyz. Al jerlesimizdiń olımpıada lıtsenzııasyn qanjyǵaǵa baılaýy úshin kem degende jartylaı fınalǵa deıin shyǵýy kerek. Bas bapker Myrzaǵalı Aıtjanov bul salmaqqa baılanysty oıyn aıta kele, ótken joly Іlııas Súleımenovtyń Anglııada ótken oqý-jattyǵý jıyndarynda eki ret jekpe-jek ótkizgenin, sonyń ekeýinde de jaqsy judyryqtasyp, jeńiske jetkenin aıtqan bolatyn. Sondyqtan da, jerlesimizdiń lıtsenzııalyq doda boıynsha jekpe-jeginiń sátti ótýine tilektespiz.
Esterińizge sala keteıik, keshe jerlesimiz Danııar Eleýsinov Astana rınginde alǵashqy kezdesýin aıqyn jeńispen aıaqtaǵan bolatyn.
