Búgin - bıylǵy jyldyń eń uzaq túni

ASTANA. QazAqparat - Búgin, 21 jeltoqsanda, tabıǵatqa qysqy toqyraý kúni keledi nemese naǵyz astronomııalyq qys bastalady, dep habarlaıdy QazAqparat tilshisi.

Astronomdardyń esebinshe, kúndizgi jaryq molaıa bastaıtyn sát 21 jeltoqsanda Astana ýaqyty boıynsha saǵat 21:58-de keledi.

Bul - jyldyń eń qysqa kúni, al aldaǵy tún – eń uzaq túni bolady.

Búgin Kún óziniń eklıptıkasynyń eń tómengi (ońtústik) (Soltústik jarty shar úshin) núktesinde, al kúndizgi jaryq ýaqytynyń uzaqtyǵy jyldyń eń qysqasy bolady.

Kún bul bıiktikte birneshe kún boıy saqtalady.

Mysaly, Astanada búgin, 21 jeltoqsanda kún saǵat 9.15-te shyqty, 17.08-de batady.

Kúnniń uzaqtyǵy 7 saǵat 53 mınýt bolady.

Erteń, 22 jeltoqsanda kúnniń uzaqtyǵy burynǵy deńgeıde saqtalady, al 23 jeltoqsanda kúndizgi saǵat 1 mınýtqa artady.

Jyldyń sońǵy kúni, 31 jeltoqsanda kúndizgi ýaqyt 7 saǵat 58 mınýtqa sozylady.

Adamdar qystyń kún toqyraýyn árdaıym jaqsy bolashaq, jańarý, jaryqpen baılanystyrady, óıtkeni kúnniń qarańǵy ýaqyty azaıady.