Búgin - Birikken Ulttar Uıymynyń azaptaý qurbandaryna qoldaý kórsetýdiń halyqaralyq kúni

1997 jyly Ekonomıkalyq jáne Áleýmettik keńestiń usynysymen BUU Bas Assambleıasy 26 maýsymdy Birikken Ulttar Uıymynyń azaptaý qurbandaryna qoldaý kórsetýdiń halyqaralyq kúni dep jarııalady.

Bul kún 1984 jyly qabyldanyp, 1987 jyldyń 26 maýsymynda kúshine engen Azaptaýǵa jáne ózge de adamgershilikten tys, ar-namysty taptaıtyn jazalaýlar men qarym-qatynastarǵa qarsy konventsııanyń tıimdi jumys iteýi jáne azaptaýdy joıý maqsatynda ótkiziledi.

Uıymǵa qatysýshy árbir memleket óziniń quzyretindegi kez kelgen aýmaqta azaptaý aktileriniń aldyn alý úshin tıimdi zańnamalyq, ákimshilik, sottyq jáne ózge de is-áreketterdi qolǵa alýy tıis.

Eshbir erekshe jaǵdaılar, meıli ol soǵys jaǵdaıy nemese soǵys qaýpi, ishki saıası turaqsyzdyq nemese ózge de tótenshe jaǵdaılar bolsyn, azaptaýlarǵa jeleý bola almaıdy.